Состојки
Потребни состојки:
За пандишпанот:
4 јајца, на собна температура
150g шеќер
2 пакетчиња ванилин шеќер
120g Битолски путер, растопен
150g брашно
1 пакетче прашок за печиво
За филот:
2 кесички за шлаг крема
2 кесички за шлаг пена
600мл млеко
200g бело чоколадо, растопено на пареа
1 пакетче желатин, растворен во 4 лажици студена вода, па растопен на пареа
За преливот:
400g свежи јагоди, пресечени на половина
1 пакетче прелив за торти – желе за торти
Подготовка
Во длабок сад изматете ги јајцата заедно шеќерот и ванилата. Додајте го растопениот путер, брашното и прашокот за печиво и промешајте со помош на шпатула.
Префрлете ја смесата за пандишпанот во округло тавче на механизам, претходно премачкано со путер и печете во загреана рерна на 180 степени околу 30-35 минути. Оставете комплетно да се излади.
Во друг сад изматете го млекото заедно со кесичките за шлаг крема и шлаг пена во цврст фил. Додајте го растопеното бело чоколадо и промешајте. Додајте го и растопениот желатин и промешајте. убаво додека смесата не се соедини.
Префрлете го филот врз изладениот пандишпан додека е сеуште во калапот во кој се печеше и оставете во ладилник да се стегне околу 1 час.
Измијте ги јагодите и пресечете ги на половина. Наредете ги по цела површина на тортата.
Зовријте ја водата, а претходно промешајте 4 лажици од водата со преливот за торти, шеќерот и ванилата. Додајте ја зовриената вода и промешајте. Истурете го врелиот прелив врз јагодите и оставете во ладилник да се стегне околу 1-2 часа. Пресечете парчиња и уживајте.
Добар апетит и забавно готвење!
Рецепт од: https://www.instagram.com/daveskitchenofficial