Дружење со Битолското чупе и размена на сликички во Cineplexx!

Содржината

Cineplexx, Бимилк и Битолското Чупе оваа сабота (20-ти февруари) ве повикуваат на семеен ден исполнет со дружење, менување со сликички, креативно учење и многу забава.

Пред еден месец започна новата авантура на Битолското Чупе и нејзиниот пат околу светот со албумот со самолепливи сликички. Авантура на која и се придружија голем број на дечиња, а интересот порасна толку многу што едноставно мораше да се организира настан за размена на сликички.

Во сабота, 20.02.2016 повелете на дружба од 12 до 16 часот во Cineplexx, во „Скопје Сити Мол“ и секако, не заборавајте да ги понесете со себе сликичките кои ви се за размена од албумот „Битолското чупе на пат околу светот“. Ќе има многу забава, дружење и мали изненадувања за најсреќните.

Втората по ред авантура на Битолското чупе овој пат ја води на пат околу светот. Авантура во која друштво повторно и прават витамините и во која тие беа на места како од сказни и откриваа многу млека разни. Секако, тука е и потрагата по десетте сликички со клучеви чии задни делови можат да им донесат вредни награди на сите кои се дел од оваа авантура. 

Сè што е потребно е задните делови од тие десет сликички со клучеви да се соберат, да се стават во плико заедно со личните податоци на полнолетно лице и така спакувани да се адресираат на: Млекара АД Битола, Долнооризарски пат ББ, 7000 Битола со назнака за „Наградна игра“.

Наградната игра трае до 1-ви април, а извлекувањето на наградите е закажано за 7-ми мај. 

Среќно собирање сликички и среќно пронаоѓање на десетте клучеви кои можат вас и вашето семејство да ве однесат во Берлин во посета на една од најубавите Зоолошки градини на светот!

Споделете го овој текст:

Остави коментар

Вашата адреса за е-пошта нема да биде објавена. Задолжителните полиња се означени со *

Scroll to Top

Веб страната користи колачиња за да овозможи најдобро искуство. Со користење на bimilk.mk се согласувате со нашата политика за приватност и користењето на колачиња во согласност со нашата политика за колачиња.