Во Бимилк, нашата заложба кон заедницата не е само корпоративна одговорност, туку длабоко вкоренета вредност што ја живееме секој ден. Нашето долгогодишно партнерство со СОС Детско село е одраз на оваа посветеност, да создаваме позитивна промена таму каде што е најпотребна.
Со години наназад, со гордост стоиме рамо до рамо со СОС Детско село во нивната благородна мисија да обезбедат топол дом, љубов и сигурност за децата без родителска грижа. Преку нашите донации и континуирана поддршка, активно учествуваме во градењето на подобра иднина.
Во време на предизвици, кога животот нѐ потсетува на неговата кревкост, најважно е да останеме обединети во грижата за оние на кои им е најпотребна. Силата на заедништвото и поддршката што ја даваме денес, гради посигурно утре за многу деца кои растат без родителска грижа.
Со СОС Детско село не споделуваме само заедничка цел, туку и заедничка визија – “Ниту едно дете да не расте само”. Преку нашето партнерство, ја поддржуваме нивната цел бидејќи веруваме дека секое дете заслужува да расте во средина исполнета со љубов, сигурност и можности.
Веруваме дека и во најпредизвикувачките времиња, хуманоста е она што нѐ обединува. Затоа, со заеднички напори продолжуваме да градиме општество во кое никој нема да биде оставен сам и секое дете ќе има можност да сонува и да ги оствари своите потенцијали.
