Нема посебни правила, може да се пие исто како и секој друг млечен напиток.
Многумина уживаат во вкусот на кефирот и го пијат наместо јогурт или млеко, со појадок и вечера. Оние кои не успеваат да се навикнат на карактеристичниот вкус на кефирот, но не сакаат да се откажат од корисните ефекти од редовната консумација на кефир – го додаваат во смутија, каши и фрапе.

Можете да пиете Balans+ кефир во кое било време од денот – наутро, за време на пауза или навечер со лесен оброк. Благодарение на неговиот сладок вкус и кремаста текстура, лесно се вклопува во вашата дневна рутина.

За да се направи кефир, млекото се комбинира со кефирна култура, која всушност е симбиотска култура на бактерии и квасец. Кефир културите изгледаат како мали бели или жолти зрна и содржат различни видови корисни микроорганизми. Овие бактерии и квасци го ферментираат млекото, претворајќи ја лактозата (млечниот шеќер) во млечна киселина, што му дава на кефирот карактеристичен кисел вкус.

Процесот на ферментација на кефирот обично трае од 24 до 48 часа. За време на овој процес, кефир културите се хранат со млечен шеќер и се размножуваат. По ферментацијата, кефирните зрна се одделуваат од напитокот, а самиот кефир е подготвен за консумирање.

Важно е да се напомене дека сите млечни производи во Bimilk, вклучувајќи го и Balans+ Кефирот, се прават исклучиво од свежо млеко од домашните фарми, под контролирани услови и во согласност со сите прописи.