Со желба да се разладат посетителите на Охрид и Дојран за време тропските летни горештини, како и да се едуцираат за освежувачкото дејство на Битолскиот Јогурт, Бимилк деновиве ја организира акцијата „Јогуртизирај Се“.
Веќе стотици посетители на нашите главни летни одморалишта го сретнаа уникатното „Јогуртизирај се“ возило и имаа можност да се освежат со вкусниот Битолски Јогурт. Многумина од нив и се сликаа со фамозните мустаќи од јогурт и ги споделуваа своите креативни фотографии на социјалните мрежи со хаштагот #ЈогуртизирајСе.
„Во долгите и топли летни денови кога термометарот достигнува повеќе од 30 степени, препорачливо е да се внесуваат поголеми количини на течности и лесна храна. Идеални прехранбени продукти во овој период од годината се млечните производи, а особено млекото и јогуртот, поради тоа што делуваат лесно и освежувачки. Затоа ја организираме акцијата „Јогуртизирај се“, за да ги едуцираме граѓаните за благопријатното дејство на Битолскиот Јогурт и да им го разладиме жешкото лето“ – изјави Полексена Ристеска, Маркетинг Менаџер на Бимилк.
Акцијата продолжува до крајот на неделава во Охрид, а сите оние кои ќе го сретнат возилото „Јогуртизирај Се“, имаат можност и да се приклучат на фото-натпреварот со хаштагот #ЈогуртизирајСе и да добијат вредни награди.
