Крцкави брускети со кремаст намаз од Битолска павлака и спој од медитерански вкусови! Испробај ги брускетите во прва прилика. Идеални се како мезе, за појадок или вечера. Подготовката е едноставна, па ајде во кујната, време е за вкусен оброк!
Подготовка
Започнете со подготовка на намазот. Кромидот и лукот ситно исечкајте ги и ставете ги во длабок сад.
Во садот додајте ги Битолската павлака и мајонезот. Измешајте ги состојките за да се соедини смесата.
Во садот додајте ги маслиновото масло, сокот од лимон и зачините – оригано, мајчина душица, копар. Посолете и зачинете со мелен црн пипер. Смесата измешајте ја. Намазот ставете го фрижидер.
Во меѓувреме, багетот исечете го на парчиња со дебелина од 1-1,5 см. Парчињата наредете ги во тава обложена со хартија за печење. Премачкајте ги со маслиново масло. Тавата ставете ја да се пече во загреана рерна на 200 степени за време од 5 минути.
Топлите брускети премачкајте ги со намазот од павлака. Додајте рендано биено сирење или пармезан по желба.
Чери доматите пресечете ги на половина. Врз брускетите ставете ги сечканите домати и додајте листови босилек. Послужете ги и на здравје!
Совет плус:
За подготовката на брускетите може да користиш и бајат леб.
