Состојки
1 стар багет исечен на парчиња
1 пакување Битолска павлака од 180g
2 лажици мајонез
1 голем кромид исечен на ситни коцки
перца од 1 младо кромитче
1 чешне лук
50g биено сирење или пармезан
маслиново масло
сок од половина лимон
1 домат
зачини по вкус: оригано, мајчина душичка, копар, сол, црн пипер
Подготовка
Кромидот исечен на ситни коцки, чешнето лук, Битолската павлака и мајонезот убаво измешајте ги додека смесата не се соедини.
Потоа додајте го маслиновото масло, сокот од лимон, зачините и повторно промешајте.
Намазот оставете го во фрижидер за да се излади, а во меѓувреме багетот исечете го на парчиња и убаво намачкајте го со маслиново масло.
Парчињата леб печете ги во загреана рерна околу 5 минути или додека не се заруменат.
Додека парчињата се сè уште топли, намачкајте ги со намазот од павлака и одозгора изрендајте го биеното сирење или пармезанот. Декорирајте со сечкани перца од млад кромид и парчиња домат.
