Нека замириса домот на топло печени кифлички! Радост на трпезата и насмевки на лицата. Имаме супер брз рецепт за меки кифлички приготвени со Битолска павлака. Може да ставиш фил по желба, а нашите омилени се со Greekos сирење.
Подготовка
Во длабок сад за месење се ставаат квасецот, млаката вода, шеќерот и се додава 1 лажица брашно. Се меша додека квасецот се растопи. Смесата се остава за време од 5 до 10 минути, додека квасецот се активира.
Во мал длабок сад се мешаат павлаката и маслото. Се додаваат во садот со квасецот.
Во садот се додаваат пресеаното брашно, солта и прашокот за печиво. Смесата се меша со лажица, а потоа се меси меко тесто.
Тестото се дели на 3 дела. Од секој дел се формира топка.
Врз набрашнета работна површина од секоја топка се сучи кружна кора со дебелина околу 5 до 7 см. Кората се сече на половина, потоа постапката се повторува – додека се добијат триаголници. Од триаголниците формирајте кифлички. Кифличките наредете ги во претходно намрсен плех.
Жолчката измамете ја со виљушка. Со изматената жолчка премачкајте ги кифличките. Врз секоја кифличка наросете сусам.
Печете ги во загреана рерна на 220 степени, за време од 15 до 20 минути, додека заруменат (според јачината на рерната). Плехот извадете го од рерната и покријте го со кујнска крпа. Оставете ги кифличките да се изладат околу 10 минути, а потоа послужете ги. На здравје!
Совет плус: По желба може да ставите фил во кифличките. Grekos сирење, пица фил, спанаќ… изборот е ваш.
