Слави, имендени, родендени… сите поводи се поврзани со богато припремени трпези. Нека вашата трпеза ја красат и овие канапеи направени од леб, павлака и печеница. Креативно и вкусно!
Подготовка
Тост лепчињата исучете ги со сукало. Пресечете ги дијагонално за да добиете два триаголници.
Двата нови агли се превиткајте ги и прицврстете ги со чепкалки. Треба да добиете изглед како на фотографијата.
Канапеите наредете ги во тава оболожена со хартија за печење. Печете ги 10 минути во претходно загреана рерна на 180 степени.
Печените лепчиња оставете ги да се изладат.
Битолската павлака ставете ја во готварски шприц. Со павлаката наполнете ги канапите. Лентите печеница заролајте ги и поставете ги во канапеите. Декорирајте со листови магдонос. На здравје!
Совет плус: За да го збогатиш вкусот, може да направиш фил од павлака, лук во прав и оригано.
