Kолач – леб од банани

Состојки

  • 3 големи и зрели банани

  • 140 г шеќер

  • 4 јајца

  • 2 мали лажички екстракт од ванила

  • 250 г Битолска павлака

  • 350 г брашно

  • 1 мала лажичка инстант квасец

  • 1 мала лажичка сода бикарбона

  • ½ мала лажичка сол

  • 3 лажички цимет

  • 1½ мала лажичка мелен ѓумбир по желба

  • ¼ мала лажичка морско оревче по желба

  • 35 г сечкани бадеми.

Кликнете на една од состојките за да ја вметнете на вашата листа за купување.

Ти останале банани кои се многу зрели, а немаш идеја како да ги искористиш? – Имаме супер предлог – колач со банани и бадеми. Сочна комбинација која совршено се вклопува за појадок или десерт со чаша топло кафе или чај.

Подготовка

  1. Пуштете ја рерната да се загрева на температура од 180 степени.

  2. Правоаголниот сад за печење обложете го со хартија.

  3. Бананите исечкајте ги на кругови и ставете ги во длабок сад за месење. Испасирајте ги со виљушка. Во садот додајте ги шеќерот, јајцата, ванилата, Битолската павлака и солта. Измешајте со жица за матење додека добиете хомогена смеса.

  4. Во длабок сад ставете ги пресеаното брашно, инстант квасецот, содата, циметот, ѓумбирот, морското оревче и бадемите. Измешајте ги со лажица.

  5. Смесата со брашно постепено додавајте ја во садот со бананите и измешајте со кујнска шпатула.

  6. Смесата ставете ја во садот за печење и израмнете. Ставете го колачот да се пече за време од 45 до 60 минути. Печениот колач извадете го од рерната и оставете го кратко да се излади 15 до 20 минути. Потоа префрлете го врз кујнска решетка и оставете го да се излади целосно. Исечете парчиња и послужете. На здравје!

Совет плус: Бадемите може да ги замените со други јаткасти плодови – ореви, лешници, кикирики…

Коментари

Споделете го овој текст:

Остави коментар

Вашата адреса за е-пошта нема да биде објавена. Задолжителните полиња се означени со *

Scroll to Top

Веб страната користи колачиња за да овозможи најдобро искуство. Со користење на bimilk.mk се согласувате со нашата политика за приватност и користењето на колачиња во согласност со нашата политика за колачиња.