Повкусни од што изгледаат! Макарони со неодолив вкус, за совршен појадок или лесна вечера. Зошто да бидат обични, кога може да ги сервираме со кремаст сос од четири сирења?
Подготовка
Макароните сварете ги во посолена вода и потоа добро исцедете ги.
Во меѓувреме започнете со подготовка на сосот. Излупете ги лукот и кромидот, измијте ги и ситно исечкајте ги.
Во голема тава на оган ставете го маслиновото масло да се загрее. Во загреаното масло ставете ги сечканиот кромид и лук. Пропржете ги 3 до 4 минути, додека кромидот порумени.
Во тавата додајте го бујонот од зеленчук и Битолската павлака. Измешајте, оставете сосот да се повари, па зачинете со сол, црн пипер и мускантно оревче.
Во мала чинија ставете го густинот. Додајте 50 мл вода и измешајте.
Густинот додајте го во тавата, а притоа постојано мешајте. Варете го сосот уште 2 до 3 минути.
Горгонзолата исечете ја на парчиња, а пармезанот и пекориното (тврдо овчко сирење) ситно изрендајте ги.
Сите сирења освен 20-тина грама од пармезанот додајте ги во сосот. Мешајте со жица за матење додека се растопат сирењата. Во тавата додајте ги претходно сварените и исцедени макарони. Кратко измешајте и сервирајте ги макароните во чинии. Посипете со преостанатиот пармезан и декорирајте со свеж босилек. На здравје!
Совет плус: Ако немате млад лук, заменете го со 2 – 3 чешниња лук.
