Состојки
1kg пилешки стек
3 моркови
2 кромидки
200g димено каре
500g печурки
2 лажици брашно
1 лажица црвен пипер
400ml Битолска павлака
Малку оригано,магданос,кари,мешан зачин и бибер
Подготовка
Најпрвин пилешките стекови се варат со малку вода заедно со кромидот и морковите. Се варат на тивок огин кратко време за морковите и кромидот да омекнат. Се тргаат на страна и во загреана тава со малку масло се пржи кромидот и ситно сецканите моркови.
Во тавата се додаваат дименото ситно сецкано каре и печурките и кратко се пропржуваат.
На крајот се ставаат двете лажици брашно и црвен пипер, се пропржува и смесата се додава во тавата за печење заедно со стекот и течноста која останала од варењето.
Смесата се промешува и се додадаваат двете павлаки заедно со сите зачини. Вака тавата e подготвена за потпекување, се ставa капакот и околу половина час се крчка во рерна на 220 степени.
Пред крај се вади капакот и се запекува уште пет мин.
