Ти треба идеја за здрав оброк кој е богат со зеленчуци? – Имаме супер предлог! Печени компири, свежа салата од домати, кромид, краставица, маслинки, збогатени со вкусен сос од Битолска павлака.
Подготовка
Компирите измијте ги и излупете ги. Потоа исечкајте ги на коцки со голема од 1,5 см. Наредете ги во тава обложена со хартија за печење. Попрскајте ги со масло и посолете ги.
Ставете ги да се печат во претходно загреана рерна на 220 степени за време од 30 до 40 минути.
Во меѓувреме подгответе го преостанатиот зеленчук. Краставицата излупете ја и исечкајте ја на коцки. Доматите исечкајте ги на коцки. Кромидот излупете го и пресечете го на половинал. Потоа исечкајте го на тенки ленти.
Пригответе го сосот. Во длабока чинија ставете ја Битолската павлака. Додајте ги солта, мелениот црн пипер и ориганото. Кратко измешајте. Потоа додајте ги маслиновото масло и сокот од ¼ лимон. Измешајте.
Во средината на голема чинија ставете го сосот со Битолската павлака. Поросете го со оригано. Странично наредете ги печените компири, домати, кромид, маслинки и краставица. Салатата послужете ја веднаш. На здравје!
Совет плус: Во сосот со павлаката може да додадеш и лук во прав по вкус!