Полна вкусна чинија на трпезата! Омилените зеленчуци искомбинирани со кремаст сос од Битолска павлака. Пробајте го нашиот нов рецепт за свежа салата со прелив од мајонез и павлака.
Подготовка
Доматите измијте ги и исечете ги на осминки.
Краставицата добро измијте ја и излупете ја по желба. Потоа исечете ја на тенки кругови.
Кромидот исечкајте го на мали коцки.
Пиперката и зелената салата исечкајте ги на ленти.
Во длабок сад ставете ги сечканите домати, краставицата, кромидот, пиперката и зелената салата. Измешајте ги со лажица. По желба во садот додајте ситно сечкана лута пиперка.
Во мал длабок сад ставете го мајонезот и павлаката. Измешајте ги состојките со лажица.
Магдоносот ситно исечкајте го и додајте го во садот со мајонезот. Посолете по вкус и зачинете со мелен црн пипер. Измешајте го сосот додека се добие хомогена смеса.
Вака приготвениот сос додајте го во садот со зеленчуците и измешајте.
Готовата свежа салата со прелив од Битолска павлака ставете ја во чинии. Декорирајте ја со сечкан млад кромид и гранче свеж магдонос, а потоа послужете ја. На здравје!
Совет плус: По желба, во сосот може да додадете сув копар, нане или босилек.
