Овие мирисни и крцкави путер колачиња се совршени за велигденските празници. Лесни се за подготовка, а декорацијата со royal icing им дава посебен празничен изглед – идеални за споделување со семејството или како подарок.
Состојки
-
200g Моја Kравица путер (на собна температура)
-
1 чаша шеќер во прав
-
2 ќесички ванилин шеќер
-
1 големо јајце
-
1 лажичка сода бикарбона
-
½ чаша (90g) Битолска павлака
-
4 чаши брашно
Подготовка
Во сад за матење ставете ги путерот и шеќерот во прав, па изматете ги со миксер додека смесата стане кремаста.
Додајте ги јајцето, павлаката и содата бикарбона, па измешајте со жица за матење.
Со постојано мешање, постепено додавајте го брашното и замесете меко, нелепливо тесто. Покријте го садот со најлонска фолија.
Ставете го тестото во фрижидер да отстои околу 30 минути.
Потоа, ставете го тестото меѓу два листа хартија за печење и со оклагија развлечете кора со дебелина од 5–7 мм.
Со калапи по желба, исечете колачиња.
Наредете ги во плех обложен со хартија за печење, оставајќи околу 1 cm простор помеѓу нив.
Печете во претходно загреана рерна на 180°C, 10–13 минути, додека рабовите благо поруменат.
Извадете ги од рерна и оставете ги целосно да се изладат.
Декорирајте ги по желба со royal icing и празнични мотиви.
Совети:
- Путерот треба да биде мек, но не стопен – така ќе добиете подобра текстура.
- За порамномерно печење, сите колачиња нека бидат со иста дебелина.
- Чувајте ги колачињата во затворена кутија – ќе останат свежи неколку дена.
