Подготовка
Говедското месо се истенчува, се зачинува и врз него се редат тенки парчиња бубрежна лој. Месото се витка во ролат, се сече на парчиња од околу 2 cm и се набодува на стапчиња за раженчиња. Раженчињата се печат на средна температура додека станат сочни одвнатре и убаво запечени однадвор.
Карфиолот се обарува кратко во солена вода, потоа се става во огноотпорен сад, се додава Грекос сирењето и Битолска павлака и се потпекува додека не добие златна и кремаста текстура.
Јадењето се сервира со две говедски раженчиња, потпечен карфиол и парче путер Моја Кравица, кој се топи и ја заокружува аромата.
