Мени
  • Ажурирано: 14. јули 2026.

Како да направите домашен начос од тортиљи за само 10 минути?

  • 10 минути
  • Лесно
  • 0

Состојки

  • 2-3 тортиљи

  • 2–3 лажици маслиново масло

  • 1 лажичка лук во прав

  • 1 лажичка благ или лут црвен пипер

  • 1 лажичка сол

Кликнете на една од состојките за да ја вметнете на вашата листа за купување.

Секој од нас барем еднаш се нашол во оваа ситуација: подготвувате мезе за натпревар или омилената серија, сосот веќе се лади во фрижидер, а дури тогаш сфаќате дека сте заборавиле да купите чипс. Или едноставно ви здодеале пресолените начоси кои често се премногу тврди или искршени уште во пакувањето.

Не грижете се! Ако имате пакување тортиљи во кујната, ве делат само неколку минути од домашен, крцкав начос што лесно ќе стане ваш омилен избор за мезе. Освен што е едноставен за подготовка, можете целосно да ги приспособите зачините според вашиот вкус.

Зошто домашниот начос е одличен избор?

Ултра крцкав
Бидејќи се пече свеж, домашниот начос има одлична текстура и крцкавост.

Помалку маснотии
Наместо да се пржи во длабоко масло, се подготвува со малку маслиново масло и се пече во рерна.

Зачини по ваша мерка
Можете да додадете лук, лут пипер, ароматични билки или други зачини по желба.

Состојки

  • 2-3 тортиљи

  • 2–3 лажици маслиново масло

  • 1 лажичка лук во прав

  • 1 лажичка благ или лут црвен пипер

  • 1 лажичка сол


Подготовка

    1. Загрејте ја рерната на 200°C и обложете плех со хартија за печење.

    2. Во мал сад измешајте ги маслиновото масло, лукот во прав и црвената пипер.

    3. Ставете една тортиља на даска за сечење. Премачкајте ја со мешавината од масло и зачини, па врз неа ставете уште една тортиља. Премачкајте ја и неа.

    4. Исечете ги тортиљите на ленти широки околу 5 см, а потоа исечете ги лентите на триаголници. Следете ја постапката прикажана во видеото.

    5. Наредете ги триаголниците во еден слој во плехот, без да се преклопуваат премногу. Посолете ги.

    6. Печете 5–7 минути, или додека не добијат златножолта боја и крцкава текстура. Следете ги внимателно, бидејќи тортиљите можат многу брзо да потемнат.

Совет за сервирање

Оставете го начосот да се излади 2 до 3 минути во плехот. Додека се лади, ќе стане уште покрцкав.

Послужете го со кремаст дип од павлака, зачинет помфрит, пилешки крилца или свеж зеленчук.

Ова едноставно домашно мезе е идеално за спортски натпревари, филмски вечери и дружења со пријателите.

Со кои зачини вие би го подготвиле вашиот домашен начос? Пишете ни во коментар.

youtube placeholder image

 

 

Избрани производи

Најчитани рецепти

Коментари

Споделете го овој текст:

Остави коментар

Вашата адреса за е-пошта нема да биде објавена. Задолжителните полиња се означени со *

Scroll to Top

Веб страната користи колачиња за да овозможи најдобро искуство. Со користење на bimilk.mk се согласувате со нашата политика за приватност и користењето на колачиња во согласност со нашата политика за колачиња.

Прифати