За љубителите на кремасти супи и потажи имаме нов рецепт. Ајде да се препуштиме на гурманската авантура и да го испробаме рецептот за потаж од грашок. Може да се направи со свеж, замрзнат или грашок од конзерва. А за да заштедиш време за подготовката, ти препорачуваме да користиш грашок од конзерва, па така за 30-тина минути ќе направиш вкусен ручек за целото семејство.
Подготовка
Кромидот и лукот ситно исечкајте ги.
Во тенџере на оган ставете го путерот да се растопи. Во растопениот путер додајте го сечканиот кромид и пропржете го 3 до 4 минути. Потоа во тенџерето додајте ги лукот и буковската пипер. Продолжете со пржењето уште 1 минута.
Во тенџерето додајте ги пилешкиот бујон и грашокот. Тенџерето затворете го со капак и оставете го грашокот да се вари на тивок оган додека омекне. Зачинете со сол, мелен црн пипер и коријандер по вкус.
Тенџерето тргнете го од огнот, оставете го кратко да се излади, а потоа со помош на рачен блендер изблендирајте го потажот. Ако потажот е многу густ, додајте малку вода и вратете го тенџерето на оган да зоврие кратко.
Топлиот потаж од грашок сервирајте го во чинии. Во секоја чинија ставете по 1 лажица Битолска павлака и додајте рендан пармезан. По желба зачинете со свежи зачини – нане, семки… На здравје!
Совети плус:
- За да направите пилешки бујон, во тенџере ставете 450 мл вода да зоврие. Штом зоврие додајте 1 коцка за супа.
- Ако немате рачен блендер, оставете го потажот да се излади 20 минути, а потоа изблендирајте го во класичен блендер. Потоа, повторно вратете го во тенџерето и оставете го да зоврие уште 2 до 3 минути.
2 коментари нa “Потаж од грашок”
Najdobri
Super ste,najdobri