Што има подобро од парче колач и утринско кафе? За твоите моменти на уживање ти предлагаме да направиш сочен куглоф со цитрусна арома на лимон. Овој куглоф е превкусен!
Подготовка
Во сад за матење ставете ги путерот и шеќерот. Изматете ги со миксер околу 5-7 минути. Потоа додајте ги јајцата едно по едно и продолжете со матењето додека се добие хомогена смеса.
Во сад измешајте ги брашното, содата бикарбона, ренданата кора од лимон и солта.
Во мал сад измешајте ги павлаката, сокот од лимон и екстрактот од ванила. Миксерот намалете го на најниската брзина и во садот со јајцата наизменично додајте од брашното и павлаката.
Вака подготвената смеса ставете ја во претходно намрсен и набрашнет калап за куглоф.
Куглофот печете го во претходно загреана рерна на 160 степени околу 1¼ до 1½ час.
Печениот куглоф со лимон оставете го во калапот да се излади околу 15 минути, па внимателно извадете го.
Чоколадото растопете го на пареа. Со растопеното чоколадо прелијте го куглофот. Декорирајте со ситно рендана кора од лимон. На здравје!
Совет плус: Направи нова вкусна комбинација! Наместо сок и кора од лимон, искористи портокал. Декорацијата направи ја од темно чоколадо и парчиња лешници. Предобро!
2 коментари нa “Сочен куглоф со лимон”
Utrinska rutina. 2 lazici ovesni ,1 lazice leneno, 2 urmi,cimet,1 golem fildzan voda.Se vari do zgusnuvanje.Se ladi.Se dodava Bitolski ovosen jogurt. Priaten i doricek
Utrinska rutina
3 lazici ovesni,1 lazice leneno,1cia,1semki od tikva,3 urmi ,1 casa Bitolski jogurt,kisni od vecer.utroto se dpdava 1 banana ,se blendira.priaten dorucek