Дали сте пробале тиро салата? Интересна комбинација од фета сирење, павлака и феферони која веруваме дека ќе го освои сечиј вкус. Послужена со фурнаринки е вистински избор за мезе со омилениот филм или фудбалски натпревар.
Подготовка
Во длабок сад ставете го сирењето и издробете го со виљушка. Во садот додајте ја Битолската павлака и измешајте.
Фефероните исечкајте ги и додајте ги во салатата. Зачинете со маслиново масло, оригано, сол и лук по желба.
Тестото за пица исечете го на осмини и премачкајте го со изматена белка. Наросете сусам и оригано. Ставете го во тава и печете го во загреана рерна на 250 степени за време 5-7 минути, додека порумени.
Салатата сервирајте ја во сад, ставете малку масло, феферони и оригано. Послужете ја со топлите фурнаринки.
Совет плус: Тиро салатата може да ја послужите и со крекери или брускети.
