Подготовка
Во добро измиениот јагнешки бут втријте го морската сол и црниот пипер, распоредете рузмарин по целата површина и замотајте го бутот во алуминиумска фолија. Така подготвен оставете го да отстои во фрижидер неколку часа.
Кога ќе го извадите од фрижидер прелијте го со маслиново масло и префрлете го во сад за печење. Ставете го бутот во незагреана рерна и потоа истата уклучете ја на 180 степени. На тој начин месото ќе се пече полека и на крајот поради тоа ќе биде посочно.
Печете околу еден час, по што треба да додадете малку вода и бутот да го свртите на другата страна со цел рамномерно да се испече. По половина час повторно свртете го бутот и прелијте го со сосот кој се создал во садот при самото печење.
Младите компири кратко обарете ги и ставете ги во садот со месото. Тие ќе впијат помалку масло затоа што се обарени, а ќе добијат на вкус. Во зависност од големината на компирите, треба да се пече од 25 до 35 минути.
Пред крајот со печењето додадете и ситно исечкан лук. По печењето јагнешкиот бут треба да отстои и да се опушти најмалку 15-тина минути со цел месото да биде посочно и помеко. Потоа е подготвено за сервирање.
Како прилог за овој велигденски специјалитет предлагаме прелив со печурки и Битолска павлака. Истиот се подготвува едноставно, со пропржување на посакувава доза на зачинети свежи печурки во маслиново масло, нивно ситно сечкање и мешање во претходно подготвена мешавина од Битолска павлака, малку сол, оригано, црн пипер и маслиново масло.
